UNIUN DA CULTURA LUMBREIN
Pro Lumerins
La Pro Lumerins rinforzescha il svilup dil vischinadi da Lumbrein cun uclauns entras tgirar cultura e natira. Ella vul promover e cultivar il discuors davart valurs, basegns e finamiras culturalas en nies vitg, sviluppar e sustener bunas ideas ni projects e forsa era semplamein filosofar tscheu e leu.
ACTUAL
Inauguraziun dalla stela da Sietschen
Sonda, ils 19 da settember 2026 allas 14.00 a Lumbrein/Sietschen.
Nus sentupein giu Sietschen, in cuort spassetg naven da Lumbrein. Ei dat la pusseivladad da transport cun auto; allas 13h45 naven dil parcadi digl Alpina a Lumbrein.
Beinvegni:
Ramun Capaul, president dalla Pro Lumerins
Cuortas investas dil fatg:
Mathias Seifert, archeolog
Noël Hochuli, dalla Kunstgiesserei S.Gagl
Musica accumpignonta:
Roland Dahinden, tiba
Silsuenter datti per tuttas presentas e tuts presents la pusseivladad da mirar la stela e pli tard da star da cumpignia tier in aperitiv ella Pensiun Alpina a Lumbrein.
Pro Lumerins – radunonza generala
Sonda ils 10 d’october
La vigelgia da nossa Pardanonza envidein nus Vus cordialmein alla radunonza generala 2026 dalla Pro Lumerins. Quella ha liug allas 14:00 uras sin plaz pervenda a Lumbrein. Da malaura ha la radunonza liug el museum d’iseglia da Camilius Collenberg orasi Vigela.
Tractandas:
- Beinvegni
- Protocol dalla davosa radunonza generala
- Rapport annual
- Rendaquen e rapport da revisiun
- Elecziuns
- 18avla Sera Sogn Martin – informaziun
- Projects currents
- Varia
Silsuenter envida la Pro Lumerins Vusagl apero da cuminonza el curtgina Alpina.
Nus selegrein sin Vossa preschientscha,
la suprastonza
Pro Lumerins 